ცხოვრების გარკვეული წესი წელის ტკივილის ერთ–ერთი ხშირი განმაპირობებელი ფაქტორია. უძრაობამ, არასპორტულმა რეჟიმმა, დღის ხანგრძლივად დგომამ ან ჯდომამ, ჭარბმა წონამ შესაძლებელია ნაადრევად განაპირობოს დისკების და სახსრების ართროზი, რაც საბოლოოდ ქრონიკული წელის ტკივილის მიზეზი ხდება. ასევე, უეცარმა ძლიერმა დატვირთვამ სიმძიმის აწევამ ან უხერხულმა მოძრაობამ შესაძლებელია თიაქრის მწვავედ განვითარება გამოიწვიოს. იმისთვის, რომ ადამიანებმა წელის ტკივილი თავიდან აირიდონ აუცილებელია სპეციალისტების რეკომენდაციები გაითვალისწინონ. წარმოგიდგენთ 5 რჩევას, რომელიც წელის ტკივილის პრევენციაში დაგეხმარებათ:
- ფიზიკური აქტივობა
საუკეთესო პროფილაქტიკურ საშუალებებს შორის ექიმები ზურგის კუნთების სისტემატური ვარჯიშით გამაგრებას ასახელებენ. ამ დროს რეკომენდირებულია იოგა ან სხვა მსგავსი ტიპის ვარჯიშები, ფიზიკური და ფსიქოლოგიური მოდუნება.
- უარი სიმძიმეების ტარებას
მძიმე საგნების მარტო აწევას უნდა მოერიდოთ ან სხვები დაიხმაროთ. თუ მარტო ხართ, სჯობს სწორად აიღოთ ისინი. ამ დროს მუხლები უნდა მოკეცოთ, ჩაჯდეთ და ქვემოთ არ დაიხაროთ. დაუშვებელია ტვირთის აწევა მოხრილი ზურგით და სწორი ფეხებით. ასეთ შემთხვევაში წონა მთელ ხერხემალზე აღარ ნაწილდება და ხერხემლის სვეტი ძალზე იტვირთება.
- ჯანსაღი ცხოვრების წესი
თამბაქოს მოწევა, სტრესი და ჭარბი წონა ხერხემლისთვის არის კარგი. წელზე პრობლემების ასარიდებლად ხერხემლის სიჯანსაღეზე დროულად ზრუნვაა საჭირო. კვება, ჭარბი წონა ტვირთავს ხერხემალს და მალათაშუა დისკებს, რასაც ოსტეოქონდროზი და მალათაშორისი თიაქრის ჩამოყალიბება მოჰყვება.
- ძილი
საწოლი უნდა იყოს კომფორტული, ხერხემლის ფიზიოლოგიური მოხრილობების შესაბამისი კონსტრუქციით. ჭარბწონიანი ადამიანებისთვის საჭიროა უფრო მაგარი მატრასი. გამხდრებისთვის კი, პირიქით, რბილი. ბალიში არ უნდა იყოს ძალიან დიდი ან პატარა და უნდა ავსებდეს კეფიდან ბეჭამდე ჩაღრმავებას. მისი სისქე არ უნდა აღემატებოდეს მხრის სიგრძეს (14-15სმ)
- სწორი მკურნალობის პროცესი
მკურნალობის პროცესის სამართავად რეკომენდირებულია წელის კორსეტებისა და ქამრების გამოყენება. ეს პროდუქტი ხერხემალს სწორ მდგომარეობაში აფიქსირებს და ამცირებს წელის ტკივილს. ოსტეოართრიტის, ოსტეოპოროზის, სქოლიოზისა და ხერხემლის კუნთების დაჭიმულობის დროს რეკომენდებულია ბამბის ელასტიური ქსოვილისგან დამზადებული ზურგის კორსეტი, ხოლო რევმატული დაავადებების, წელისა და ზურგის არეში დისკომფორტისა და ტკივილის შესამცირებლად ანტიალერგიული ქსოვილისაგან დამზადებული წელის სტანდარტული კორსეტი გამოგადგებათ.
ამ რჩევების მიუხედავად, თუ წელის ტკივილი დიდხანს გაგრძელდა უმჯობესია, რომ ექიმთან ვიზიტი დაიგეგმოს და ინდივიდუალური მკურნალობა დაინიშნოს. რა თქმა უნდა ზუსტი დიაგნოზი და თქვენზე მორგებული მკურნალობის კურსი თქვენი მდგომარეობის გასაუმჯობესებლად ეფექტური იქნება.
