კისრის ტკივილი ხშირად უკავშირდება არასწორ პოზაში ძილს, ფიზიკური აქტივობის ნაკლებობასა და სტრესს. ალბათ, გსმენიათ, რომ არსებობს სხეულის სწორი და არასწორი პოზები, ზოგიერთ პოზას ხერხემლის ტკივილის გამოწვევაც შეუძლია. ამიტომ, თუ დიდი ხნის განმავლობაში ერთ მდგომარეობაში ჯდომა გიწევთ მუშაობის დროს, ეცადეთ:
- ჯდომის მანერის ხშირ ცვლილებას;
- სამუშაო სივრცის სხვაგვარად მოწყობას;
- სპეციალური სკამისა თუ სხვა მოწყობილობების გამოყენებას.
გარდა ამისა, აუცილებელია, რომ თქვენი ცხოვრების წესი შეცვალოთ და რეგულარულად მცირე ფიზიკური აქტივობები აკეთოთ. ვარჯიში გააძლიერებს კისრის კუნთებს, რაც დაძაბულობასა და დაჭიმულობას აგარიდებთ თავიდან. გთავაზობთ, რამდენიმე რჩევას, რომელიც კისრის ტკივილის შემცირებაში და გამოწვეული პრობლემის დაძლევაში დაგეხმარებათ:
სმარტფონის გამოყენების დროს:
- დაიჭირეთ ტელეფონი თვალის სიმაღლეზე;
- ყოველ საათში ერთხელ გადადეთ სმარტფონი და დაისვენეთ;
შესვენების დროს კი, გააკეთეთ კისრის ვარჯიშები:
- შეაერთეთ ხელები და მოათავსეთ ნიკაპის ქვეშ. დაეყრდენით ნიკაპით 7 წამის განმავლობაში და გაიმეორეთ სამჯერ;
- დახარეთ თავი მარჯვნივ, ეცადეთ ყური მხარზე მიიდოთ. თითო მხარეს ხუთჯერ გაიმეორეთ ეს მოძრაობა.
კისრის ტკივილის მკურნალობის პროცესში ჯანსაღი ცხოვრების წესის ფაქტორებს დიდი მნიშვნელობა აქვს — იძინეთ საკმარისად, ივარჯიშეთ ფიზიკურად და ეცადეთ, ნაკლები სტრესი მიიღოთ. გარდა ამისა, ტკივილის შესამცირებლად შეგიძლიათ გამოიყენოთ კისრის ფიქსატორები. იქიდან გამომდინარე, რომ მოძრაობისას ტკივილი ამ არეში ძლიერდება იმობილიზაციის მიზნით, ამ პროდუქტის ტარება საკმაოდ, ეფექტურია. გარდა ამისა, ის თავს ნეიტრალურ პოზიციაში აფიქსირებს და ხერხემლის არეში დაჭიმულობის შეგრძნებაც ხსნის.