სამედიცინო მაღაზია “ახალი ხედვა” ქართულ ბაზარზე 2012 წლიდან არსებობს და მთელი საქართველოს მასშტაბით ამ დროისთვის 12 ფილიალით არის წარმოდგენილი. სამედიცინო ჯგუფი თანამედროვე სტანდარტების მქონე პროდუქციის იმპორტს საერთაშორისო ბაზარზე აღიარებული თურქული, იტალიური, გერმანული და შვეიცარიული კომპანიებიდან აწარმოებს. ფილიალებში თქვენ შეხვდებით ისეთი ცნობილი ბრენდების სამედიცინო პროდუქციას როგორიცაა – Sigvaris, Morsa Cyberg, Mediva, Bauerfeind და Berger . გარდა მაღაზიაში წარმოდგენილი სამედიცინო ნივთებისა, კომპანია აქტიურად მუშაობს ინდივიდუალური, სპეციალიზირებული შეკვეთების მიმართულებითაც.
რა პროდუქციას გთავაზობთ სამედიცინო მაღაზია “ახალი ხედვა”?
სამედიცინო მაღაზია “ახალ ხედვაში” ორთოპედიული და ტრავმატოლოგიური ნივთებია წარმოდგენილი. ეს სამედიცინო პროდუქცია მომხმარებლებს მკურნალობის, რეაბილიტაციისა და გარკვეული დაავადებების პრევენციაში ეხმარება. განვიხილოთ რამდენიმე მათგანი:
● ვარიკოზული მოვლის საშუალებები – ვენების გამოხატული დაავადებების სამკურნალოდ ან ვარიკოზის პრევენციისთვის გამოიყენება.კომპრესიული ტრიკოტაჟი ქვედა კიდურების ვენებიდან სისხლის განდევნას აჩქარებს და ფეხებში შეშუპებას, დაღლილობისა და ტკივილის შეგრძნებას ხსნის.
● ორთოპედიული ფიქსატორები სახსრის მოძრაობის შეზღუდვას უწყობს ხელს და თითქმის სხეულის ყველა ნაწილისთვის არსებობს. მზადდება უდრეკი ან რბილი მასალისგან და ინიშნება სხვადასხვა დაზიანებისა და ტრავმის შემდგომი მდგომარეობის გართულების პრევენციის მიზნით.
● ორთოპედიული ბალიშები ადამიანის სხეულს სწორ მდგომარებაში აფიქსირებს და ხელს უწყობს სხვადასხვა პრობლემის აღმოფხვრას. მაგალითად, წელისა და კისრის დაჭიმულობას და კუდუსუნის ტკივილს.
● წელის კორსეტები და ქამრები იდეალურია სხეულის ამ ნაწილში ტკივილისა და დატვირთვის შესამსუბუქებლად. ზოგიერთი მათგანი მუცლის ღრუს ორგანოებზე ჩატარებული ოპერაციების შემდეგ, ექიმის რეკომენდაციით გამოიყენება.
● ორთოპედიული სუპინატორები – მათი გამოყენება რეკომენდებულია მაღალი თაღის, პირველი თითის ვალგუსური დეფორმაციის, ქუსლის დეზის, აქილევსის მყესის დაზიანებისა და ტერფის სხვადასხვა პათოლოგიის დროს. რაც უფრო ძლიერია ტერფის ამორტიზაციის მექანიზმი, მით უფრო ნაკლებად იღლება ხერხემალი. ამიტომ მისი ტარება სპორტული და პროფესიული დატვირთვის, ორსულობის, სქოლიოზის, რევმატული დაავადებებისა და პათოლოგიების დროსაც რეკომენდებულია.
სად მდებარეობს “ახალი ხედვის” სამედიცინო მაღაზიები?
კომპანია „ახალი ხედვის“ პროდუქტების შეძენისთვის შეგიძლიათ ეწვიოთ თბილისის ფილიალებს, რომლებიც დედაქალაქის სხვადასხვა უბანში მდებარეობს. გარდა ამისა, კომპანია სამედიცინო მაღაზიებით საქართველოს სამ რეგიონში – გორში, ქუთაისსა და ბათუმშია წარმოდგენილი. პროდუქტის შეძენა ხდება ონლაინ მეთოდითაც, კომპანიის ოფიციალურ ვებ-გვერდზე. ამისთვის მხოლოდ დარეგისტრირება და სასურველი სამედიცინო ნივთის კალათაში დამატებაა საჭირო. გამოწერილ პროდუქტს კურიერი ან ფოსტის თანამშრომელი უმოკლეს ვადაში მოგაწვდით.
